انظر ماذا فعل المدرس بكوب الماء !!؟

بواسطة Mohamed Ghazawy بتاريخ الاثنين، 12 أغسطس 2013 | 5:03 ص

ِ



بدأ الاستاذ الدرس وفي ايده كوبايه مملؤه بالمياه .. وسأل الطلاب :تفتكروا الكوبايه دي وزنها كام ؟!


قالوله : 50 جرام .. 100 جرام .. 125 جرام.

 رد عليهم قالهم : بصراحه .. انا معرفش وزنها كام ..

بس سؤالي : ايه اللي هايحصل لو فضلت شايل الكوبايه دقيقتين ؟! جاوبوا وقالوله : ولا حاجة.


قالهم : طب لو فضلت شايلها لمده ساعه كامله ؟!

 رد عليه طالب وقاله : دراعك هايوجعك.

 
رد الاستاذ : بالظبط .. طب لو فضلت شايلها طول اليوم ؟!

جاوب واحد وقاله : دراعك هايوجعك اكتر وهاتتمزق الاربطه وساعتها لازم تروح المستشفي. 

رد الاستاذ : كويس اووي .. لكن هل وزن الكوبايه اتغير في اي حال من الاحوال ؟!

كان الجواب : لا طبعا.

الاستاذ : طب ايه سبب الالم ده ؟!

ايه اللي المفروض اعمله عشان اوقف الالم ؟!

 قال واحد من الطلاب : حط الكوبايه من ايدك.
الاستاذ : تمام كده .. مشاكل الحياه شبه الكوبايه دي ..

فكر فيها بعقلك دقيقتين وهاتبقي كويس ..

لكن لو فكرت فيها مده اطول هاتتعب ولو فكرت مده اطول كمان هتشل تفكيرك وساعتها مش هاتبقي قادر تعمل اي حاجة.
مهم اووي اننا نفكر في تحديات ومشاكل الحياه ..

بس برضه مهم اننا نحط المشاكل دي علي جنب مع نهايه كل يوم قبل النوم ..لما نفضل شايانها طول الوقت فى راسنا ونفوسنا دا مش

 هيغير من حقيقه الامر شىء..ومش لازم تاخد كل تفكيرنا وكل وقتتنا ...وبالطريقه دي مش هايبقي علينا أي ضغط وهانصحي تاني

يوم نشيطين وقادرين علي التعامل مع أي مشكله تقابلنا.ونقدر نستمر فى حياتنا


0 التعليقات:

إرسال تعليق